Geachden hier, geachde mevrouw,

Umtot geer eigelek toch al 'ne vaste klant of supporter vaan us zeet, wèlle veer uuch de meugelekheid beeje um touw te treijje tot de "Vrun vaan de M.O.V.", e nui initiatief vaan eus vereiniging. Daomèt kint geer de M.O.V. helpe aon 'ne gooje financiële basis.

Daan kinne veer uuch 't volgende beeje:

1) veur de twie-jaorlekse gala-aovend vaan eus produktie: twie entreebewieze vaan € 60,- gratis.

2) op alle wijere gala-kaarte die geer daoneve wèlt koupe, krijg geer € 5,- korting per kaart. Bij aofnaome vaan twinteg of mie kaarte krijg geer € 10,- korting per kaart.

3) op eder gewoen kaart krijg geer € 1,50 korting per kaart. Bij aofnaome van twinteg of mie kaarte krijg geer € 2,50 korting per kaart.

4) bij 't plaotse vaan 'n advertentie in 't programbook krijg geer 10% korting.

5) d'r vint naomsvermelding plaots in 't programbook, op de website èn in de hal vaan 't Tejater bij alle veurstèllinge.

6) geer krijg nuits euver vaan alles en nog gèt vaan de M.O.V. via 'ne memo thoes gesjik.

Daan vraoge veer uuch:

1) 'n jaorlekse storting op eus rekening vaan € 100,- ( veer wèlle netuurlek ouch gèt draon euverhawwe!) mèt 'ne louptied vaan twie jaor.

2) eur mètwèrking um otomatisch te betaole.

3) eur gegeves die veer nudig höbbe; geef die ezzebleef door.

Um 't ierlek te speule, veur uuch en veur us, stèlle veer veur, um pas in 2010 ( dus nao de produktie vaan 't Getuug) daomèt te beginne.

Veer hope uuch daan bij te mage sjrieve es lid vaan de "Vrun vaan de M.O.V." Weijer vraoge veer uuch niks mie!  Miech tunks!!

Geer kint uuch opgeve bij euze sikkertaris: tillefoonnómmer 043-3214419 of email l.swaen@educ.unimaas.nl

Mèt Mestreechter compleminte,

Loe Devens, veurzitter M.O.V.